Բնական և օրգանական խնամքի թրենդը օր օրի աճում է:
Սակայն եկեք հասկանանք ի՞նչ են նշանակում
- բնական,
- բիո,
- էկո,
- օրգանական,
- էթիկ,
- Cruelty-Free
- Vegan տերմինները,
և ինչո՞վ են միմյանցից տարբերվում:
🌿Բնական կոսմետիկան շատ լայն հասկացություն է:
Միջոցը կարող է պարունակել ընդամենը 1% խնկունու(розмарин) էքստրակտ և այդ 1%-ը արդեն բավարար է, որպեսզի այն համարվի բնական: Իսկ որ բաղադրության 70%-ը կազմում են միներալային յուղը (նույն ինքը՝ парафин-ը կամ սիլիկոնները, դրա մասին տուփի վրա հատուկ գրառում դժվար թե լինի🤔:
Եթե բնական կոչվող միջոցի վրա չկա միջազգային սերտիֆիկատ, օրինակ COSMOS Natural, այդ միջոցը կարող է պարունակել ցանկացած վնասակար և տոքսիկ բաղադրիչ, կարող է թեստավորվել կենդանիների վրա և ունենալ չվերամշակցող պլաստիկից փաթեթավորում: Սակայն դա չի նշանակում, որ բնական խնամքի սեգմենտում չկան բարեխիղճ արտադրողներ, կան և շաա՜տ:
Ուղղակի սերտիֆիկատի բացակայությունը ապահովում է մատչելի գին, քանի որ յուրաքանչյուր միջոցը սերտիֆիկացնելը բավական թանկ հաճույք է:
🌿Օրգանական կոսմետիկան դա արդեն լրիվ այլ բան է: Եթե չկա համապատասխան սերտիֆիկատ, ապա պրոդուկտը չի կարող կոչվել օրգանական, նման սերտիֆիկատներից են Natrue, BDIH, COSMOS Organic, Ecocert, Cosmebio և այլն:
Օրգանական համարվող պրոդուկտներում բաղադրիչների մեծ մասը ստացվում է բուսական հումքից, որը աճեցվել է օրգանական հողագործության շրջանակներում (և՛ հումքը, և՛ հողը, որի վրա այն աճում է նույնպես պետք է լինեն սերտիֆիկացված):
Բացակայում են այնպիսի բաղադրիչներ, ինչպիսիք են միներալային յուղը(парафин), ԳՄՕ-ն, չեն փորձարկվում կենդանիների վրա: Կենդանական ծագման նյութեր, որպես կանոն թույլատրելի են,հետևաբար օրգանական կոսմետիկան կարող է չլինել vegan friendly:
🌿Էթիկ կոսմետիկա:
Որպեսզի այն կոչվի էթիկ, այն պետք է բավարարի հետևյալ պայմաններին.
- պետք է բացառվի կենդանիների վրա փորձարկումները,
- պետք է չօգտգործվեն կենդանական ծագման տարրեր,
- պետք է բացառվեն մարդկանց և շրջակա միջավայրի համար վնասակար և տոքսիկ բաղադրիչների օգտագործումը:
Բացի այդ մեծ ուշադրություն է դարձվում բիոքայքայվող փաթեթավորմանը: Հիմնականում էթիկ կոսմետիկան կրում է Cruelty Free նշումը և խորհրդանշական սպիտակ ճագարի պատկերը:
🌿Cruelty Free պիտակը վկայում է այն մասին, որ պրոդուկտը արտադրության որևէ փուլում և անգամ շուկա դուրս գալուց հետո կենդանիների վրա չի փորձարկվում:
🌿Vegan նշանակում է, որ չի օգտագործվում կենդանական ծագման որևէ տարր:
Նշենք, որ օրգանական կամ բնական կոսմետիկան պարտադիր չէ լինի էթիկ, և հակառակը:
Ընդգծված տարբերություն բիո, էկո և օրգանական կոսմետիկայի մեջ չկա, դրանց սահմանումները շատ հարաբերական են: Իսկ Cruelty Free պիտակը կրող և էթիկ կոսմետիկան գրեթե նույնն է:
